Aba Ipokrit

..???

Poukisa anpil nan nou pran plezi nan kòmante echèk ak malè ayisyen parèy nou, tandiske se avèk kè sere pou n kòmante siksè yo. Sepandan menm moun sa yo pran plezi nan kòmante ak selebre siksè etranje.

Kite m pataje ak nou kèk sèn mwen viv.

SÈN I (2007)
- Elle : Ou ap vin nan repetisyon pita Ska?
- Skason : Depi maten m pako manje cheri, m santi m fèb, m pap soti.
- Elle : E poukisa w pa manje kòkòt?
- Skason : M pa gen yon pyas. M razè tankou Jòb.
- Elle : Bon kouraj boo, pa dekouraje, bagay yo va chanje pou ou yon jou.

(9 lane pita)
- Elle : Gen mwason nan legliz la dimanch wi Ska, fòk ou vini wi.
- Skason : Mwen pap ka la, mwen gen yon dine ak nouvo anbasadè Etazini an lendi maten.
- Elle : E sa w te bezwen di m ou gen yon dine ak anbasadè, ou pa te ka jis di ou pap la. (Li tèlman pa renmen ou gen gwo relasyon, li pa gen problèm pou w dil ou pako manje, men li pa ka tande ou di l ou pral manje ak anbasadè Etazini)

SÈN II (2012)
- Lui : Skason, voye mizik Jah Nesta sa pou mwen sou bloutouf.
- Skason : Se yon ede m peze li ye, li pa gen bloutouf.
- Lui : Ah ok. Ou pa ka ap fè kòb, ou nan Belle Ayiti, ou byen ak depi se gro chèf isit epi w pa gen yon dènye modèl telefòn non frè m.

(4 lane pita)
- Lui : Oh, dat map chèche dènye mizik BIC ak J-Perry a frèm, ‪#‎Aba_Blabla‬, voye li pou mwen sou bloutouf.
- Skason : Se yon iPhone 5 li ye, li pa ka voye mizik sou bloutouf
- Lui : Hummm ! Li toujou ap fè djòlè nèg sa, tankou li pa te panse li tap gen iPhone. (Jalouzi fè li bliye si se li ki te konseye w achte yon ‪#‎smartphone‬)

SÈN III (2013)
- Skason : Monchè, lè m poste yon bagay sou facebook, sèl grenn "like" li gen an, se mwen menm ankò ki "like" li, tandiske Carel Pedre ak Blondie Ferdinand, lè yo poste yon bagay se 18 mil "likes".
- Toto : Bwòdè, ou wè nan vi sa, se pèseverans, lè moun sa yo te kòmanse yo te pi mal pase w, ou menm ou gen 1 like, yo menm se te zewo like, paske ata menm yo menm pa te konn like afè yo, pa dekouraje, nan 5 an ankò wap wè rezilta a.

(3 lane pita)
- Skason poste yon banè sou paj li pou li selebre 5000 likes nan mwens pase 1 mwa, menm Toto sa kòmante, li fache, se djòlè map fè, se achte mwen achte like, moun ki like yo pa reyèl, se chinwa yo ye. (Li tèlman egri, li bliye si se li menm ki te konseye m pou m pèsevere)

SÈN IV (Janvye 2016)
- Nou plizyè zanmi chita ap bay blag antre nou, nap fè yon ti bilan sou lavi nou, nap pale de efò nou chak fè nan vi a, lè m pran lapawòl, mwen tonbe rakonte : "Lè m te konn al achte lontan pou matant, yo ban m monnen anplis, m pran sa met nan pòch mwen. M te nan reto, mwen te manke manje yon rès manje mwen te vin jwenn sou yon tab nan yon fèt telman m te grangou. Lè m vin nan filo, m pral lekòl m te konn monte kamyonèt epi map priye Bondye pou yo bliye touche nan menm, paske m pa te gen kòb pou m retounen. 2009 lè m vin lekòl Pòtoprens, m konn ap mache dòmi kay zanmi yo ap fèm gwo malonèt". Map rakonte jan m te nan mizè ak jan m te malen, zanmi m yo ap ri, sa map di yo enteresan, epi lè map konkli m di : "Jounen jodi a m pa menm ka wè si yo ban m monnen anplis paske anpil fwa m pa konte monnen yo remèt mwen. M gen kredi nan anviwon 5 gwo restoran isit. M ka peye yon kous kamyonèt ale - retou chak jou pou 10 moun Dèlma. Nan yon mwa 30 jou m konn pase 20 jou ap domi nan otèl tandiske kay mwen disponib. Padan map di sa kèk nan zanmi m yo move. (Epi m konstate pati siksè ki nan fim nan fè yo mal, epi m kanpe fim nan jis pou m fè yo plezi)

SÈN V
- Ann imajine Skason ki ta pibliye nan yon group Whatsapp : "Lavi a di pou mwen, mwen pa wé anwo m pa wè anba, tandiske 2 je m kale, mwen gen yon nèg sou katye a ki pwopoze m rantre m nan fouye moun ak li lanwit, m jis bezwen kèk konsèy nan men nou. Prèske tout manm group la tap kòmante pou di m : "Non, m pa dwe rantre nan vòl, pa dekouraje, lapriyè plis, demen ou ka jwenn yon gwo djòb".

(Mas 2016)
- Skason vin jwenn gwo djòb la vre, mwen ekri nan yo group WhatsApp prive ki pa menm gen 10 moun: "Yo ofrim yon djòb responsab kominikasyon sou Rezo Sosyal pou Prezidan Privert ak Palè Nasyonal, yo ofri m yon bèl salè, m pa vle pran djòb la paske m pa konfòtab, ban m kèk konsèy tanpri souple". (Premye kòmantè mwen resevwa a mande m èske se anvi m te anvi fè yo konnen Palè Nasyonal ofrim djòb, li kouri nan bouda m olye li ede m).

Pou m fini.
Mwen pa konprann kòman fè lè atis ameriken Jay-Z mete yon dokimantè sou nèt la, pou montre pil byen li posede tankou : 1 elikoptè, 100 machin, 365 tenis (yonn pou l mete chak jou), li gen 10 pisin lakay li, lakou lakay li pi gran pase channmas, pakin lakay li pi long pase bisantnè, ou fout dokimantè a 100 mil likes, san konte pataj, ou rive menm telechaje li pou pase sou chèn televizyon isit bay ti jèn yo konsome. Epi mwen annik mete foto ti machin mwen sou pwofil mwen, ak estati "ma nouvelle et ma deuxième voiture", ou kritike m se fè wè, mwen pa te kwè.

Mwen pa ka konprann kòman fè Magazin ameriken Forbes pibliye klasman moun ki pi rich nan mond la pou 2016 la, ou achte magazin nan, ou bay nouvèl la nan radyo, ou pale de li nan konferans sou antreprenarya, ou menm site non Bill Gates ki gen 75 milya $US, tandiske ou annik tande Tonton Bicha di nan mikwo Valéry Numa, li fè prèske 40 mil dola pa ane nan spòt, ou fache, ò li ap fè djòlè, li pa te kwè.

NB. Kòm agiman pou moun sa yo defann tèt yo, yo di w : "Toute vérité n'est pas bonne à dire". Men lè w byen reflechi ou wè se "La vérité sur ton succès comme Ti Nèg qui n'est pas bonne à dire".

PS. Mwen pa sible okenn moun pèsonèlman, m ekri pou m eseye konprann poukisa anpil nan nou pa vle wè byen pou frè ak sè n? Eske se istwa Kayen ak Abèl la kap kontinye ?

©SkasonBaptiste
24/04/2016

M'envoyer un e-mail lorsque des personnes publient un commentaire –

Okay te sou bekàn ankò !

Port-au-Prince, le 04/01/2018 : Des milliers de cyclistes ont participé à la 5e édition de « Okay sou Bekàn », dans la troisième ville d'Haïti, le mardi 2 janvier 2018, parmi eux, le président de la République, Jovenel Moïse.

« Nap pedale ak etid nou », tel a été le thème principal de cette cinquième édition de «Okay sou Bekan» qui a réunit toutes les catégories confondues, enfants, jeunes, adultes, étudiants, hommes d’affaires, artistes, techniciens à bicyclette, ils ont fait le tour de la troisième ville du pays.

Il faut souligner la présence de plusieurs personnalités importantes du pays, la plupart des élus du département du Sud ont pris part à la cinquième édition. On pouvait remarquer la présence des Sénateurs, Jean Marie Salomon, Richard Lénine Hervé Foucand, Carlos Lebon ainsi que le député de la circonscription Cayes/Ile-à-vache Clauvy Obas. La présence du président élu, Jovenel Moise, qui s’est retrouvé aux côtés du maire la ville, Jean Gabriel Fortuné durant tout le trajet a aussi été remarquée. C’est en effet pour une deuxième fois que Jovenel Moïse à participé à cet événement : la première comme candidat et cette année il y est en tant que chef d’État. À bicyclette, comme tous les autres participants, le président a parcouru quelques mètres dans le défilé.

Rappelons que, « Okay sou Bekàn » est l'initiative du groupe Team Vèkèlè le 2 janvier 2014. Une activité qui vise à renouer contact avec la tradition de bicyclette en déperdition dans la ville des Cayes. Aussi veulent-ils, par cette initiative, donner un élan à la jeunesse qu’ils jugent dormante.

--- FIN ---

Skason Baptiste
Port-au-Prince, Haïti

Vous devez être membre de Atelier des médias pour ajouter des commentaires !

Join Atelier des médias